طريقة عمل الرقاق الفلاحى روعه ومجربه والنتيجه هايله

[center]
بسم الله الرحمن الرحيم
انهاردة انا جيبالكوا حاجه فلاحى اصيله


المقادير

1-نصف كيلو زبادى او لبن رايب الاتنين هايدوكى نتيجه جميله
2-كوب زيت وربع كيلو سمنه او زبده واقل من الربع
انا بافضل السمنه عن الزبده لان لما استعملت السمنه كان طرى عن ما استخدمت الزبده
فلو عايزاه ناشف نوعا ما استعملى الزبده
3- 2كيلو دقيق وعليهم رشة ملح وبيكينج بودر
دى اول حاجه



تانى حاجه تجيبى 2كيلو دقيق وعليهم رشه ملح وبودرودة اختيارى

بعد كدة على النار تجيبى الزيت والزبد وتسيحيها وتسيبها

تحطى اللبن الزبادى على الدقيق وتعجنى

هنا عجناها وبقت عجينه جامدة شويه بعد كدة ودى الاهم نضيف الزبدة والزيت على العجينه ونبدأ نعجن تانى لغايه ما الزيت والزبده يختفوا عشان تطلعلك النتيجه حلوة


زى ماانتو شايفين دابت الزبدة فى العجين ومش باينه خالص غير الريحه الجميله والطعم بعد كدة نفرده عادى ونخبزه فى الفرن


ها يا بنات يارب تكون الطريقه عجبتكم ولا تنسونى بصالح دعواتكم




ملحوظه:

درجه الحراره200(فوق الوسط)

بصوا حبايبى الصاج اللى فى ارضيه الفرن تقلبيه وهو فى مكانه فى ارضيه الفرن تقلبيه وتخبيزى عليه اى حاجه عيش رقاق فطاير اى حاجه

واللبن الزبادى هو الزبادى حبايبى

الفرن بيبقى مفتوح مابيتقفلش

والزبادى لو بالعلب هايبقى حوالى 6 علب ولو هاتستخدمى اللبن الرايب وده افضل طبعا من الزبادى بس بصراحه الاتنين نتيجتهم هايله وعندك لبن ومش عارفه وزنه ممكن بردوا تحطى بمقدار 6علب زبادى
وبالهنا والشفا

دمتم فى حفظ الحمن

شكرًا حبيبتي كتير على النقل بس باريت الصور المنقوله ماتحملش اعلان لمنتديات تانيه ممكن تعدلي الصور وتنزليها مرة تانية شاكرين جهودك المبذولة وفقك الله

وبانتظار جديدك

شكرا ليكى حبيبتى بس انا بعملها بس ما صورتهاش وجبت الصور من منتدى تانى
عامة اوعدك المره اللى جايه احاول ارفع الصور تانى
جزاكى الله خير حبيبتى
دمتى فى حفظ الرحمن